هنتكلم عن حقائق مثيرة فى حياة ابو البنات محمود حميدة والجانب العاطفى فى حياته والسبب اللي خلاه يضحي بأسنانه ومين هي بنته الفنانة المشهورة .
الفنان الكبير محمود حميدة من مواليد يوم 7 ديسمبر سنة 1953 بالقاهرة وهو من عائلة عريقة نصها ريفي والنص التاني ارستقراطي
وإلتحق بكلية الهندسة لمدة 7 سنين لكنه فشل فيها وغير مسار دراسته ودخل كلية التجارة وتخرج منها سنة 1981.
وكان معروف بين زمايلة بثقافته وحبه للقراءة وخصوصًا أشعار فؤاد حداد.
إشتغل في مهنة الفلاحة مع أُسرته وكان بيحبها وكسب منها مبالغ كبيرة في سن صغير وبعدها تفرغ للفن، ودي مكنتش حاجة جديدة عليه لانه عشق الفن واحترفه من خلال فرقة التمثيل بالمدرسة، لكن عائلته وخاصتا الجانب الريفي عارضوا دخوله مجال الفن لأن جده كان عمدة قرية، ولكن حبه للتمثيل خلاه يتخلى عن العادات والتقاليد ويقرر خوض التجربة.
وبتعتبر انطلاقتة الحقيقة مع الرائع أحمد زكي في فيلم "الأمبراطور" اللي كان علامة فارقة في حياتة بسبب النجاح اللي حققة وحصوله على دور كبير فيه.
صرح محمود حميدة فى أحد اللقاءات التليفزيونية أن من كتر حبه للتمثيل مستعد يعمل اي حاجة علشان يقنع الجمهوربأدواره وبالفعل إضطر فى أحد أدواره أنه يضحى بأسنانه الأمامية بسبب دوره في فيلم "جنة الشياطين" سنة 1999.
واثبتت بعض التقارير إنه عانى في فترة من فترات حياته بالتحديد فترة الشباب من بعض الإضطرابات النفسية وبسببها كان بيتردد على طبيب نفسي.
واعترف حميدة بأنه كان عايش حياة مستهترة في فترة شبابه وكان بيعمل تصرفات غلط كتير جدًا، لكنه حاليا توقف عن كل ده ووصف المرحلة دي من حياته بـ"طيش شباب ".
حكي عن قصة زواجه وقال إنه كان يعرف زوجته سهير من وقت ماكان عمره 5 سنوات وإرتبطوا وهما في فترة المراهقة وبعدها إنفصلوا وكل واحد فيهم راح في طريق والحياة بعدتهم وإتقابلوا تاني بعد سنين
وفي يوم وليلة قرروا يتزوجوا وكان وقتها غير مستقر ماديا قال لوالده إنه هيتزوج في شقة مفروشة ووالده قاله ماليش علاقة وبالفعل تزوجوا وأنجبوا أربع بنات "أسماء وإيمان وآيه وأمنية "وبسببهم لُقب بأبو البنات وقال إنه بيتبع في تربيتهم الأسلوب الديموقراطي.
دخلت بنته آيه مجال الغناء والتمثيل من غير ماتقول إن والدها هو الفنان محمود حميده وفضلت تكبر لوحدها وكان أول عمل إشتركت فيه هو فيلم " علاقات خاصة " وبعده " ولد وبنت " و" ماشيين بالعكس "
قدر محمود حميدة يقنع المخرج العالمي الكبير يوسف شاهين لإسناد أدوار البطولة ليه في كتير من الأعمال زي "المهاجر ، المصير ، إسكندرية نيويورك "
وخاض تجربة الإنتاج السينمائي سنة 1990 وأسس شركة “البطريق للإنتاج الفني والخدمات السينمائية”
وفي السينما قدر ينجح في لفت الأنظار وشارك في ادوار هامة زي فيلم: “شمس الزناتي” مع الزعيم عادل إمام و "عصر القوة” مع نادية الجندي
وبيعرض ليه حاليا فيلم "الغسالة" بالسينمات الفيلم من بطولة أحمد حاتم، وهنا الزاهد، ومحمود حميدة.