إتولدت في كفر الشيخ يوم 18 يوليو سنة 1945 . 

 

كبرت في أسرة فقيرة ومكملتش تعليمها ونزلت من كفر الشيخ للقاهرة وهى عندها 10 سنين وإحترفت الرقص في سن صغير .

 

بدأت مسيرتها الفنية راقصة للفنون الشعبية في فرقة "عاكف " وفضلت في الفرقة لحد سنة 1965 وبعدها تحولت للرقص الشرقي في كارافان ملحق بفندق " هيلتون النيل " وإختارت لنفسها إسم زهور لكن الرواد وخصوصًا الأجانب كانوا بيلتقوا صعوبة في نطقة فقررت إدارة الفندق تختاريها إسم أميرة ومع الوقت ذاع صيتها وإتشهرت وبقت بتجيلها عروض كتير من الملاهى الليلية والفنادق الكبيرة وسافرت لبلاد كتير منها بلجيكا وسويسرا وهولندا وإيطاليا لتقدم مجموعة من الفقرات الراقصة ومع مرور الوقت فكرت ولقت إن مهما إحترفت الرقص فعمر الراقصة قصير جدًا في عالم الفن لكن اللي هيبقى موجود وباقي هو التمثيل ومن هنا قررت تتجه للتمثيل إتجهت للتمثيل من خلال الأدوار الثانوية وكان أول أفلامها " بين الطالبات " سنة 1967 وقدمت إدوار إحترفت فيها الرقص الشرقي في معظم أفلامها.

 

بدأت مسيرتها في السينما فى فترة التسعينيات من خلال أدوار صغيرة. وبعدها إتحجبت وإعتزلت التمثيل .

وعن حياتها الخاصة تزوجت من رجل الأعمال وتاجر السيارات " يحيى الجنايني " وانجبت منه إبنها الوحيد طارق وغابت سنتين عن الفن للتفرغ لتربيته وفي حفلة من الحفلات طلبت منها الفنانة إسعاد يونس إنها ترقص فلبت طلبها ورقصت وده خلى زوجها يحيى يطلقها وبعد طلاقها رجعت تاني للرقص وقررت ترجع أمجادها وقدمت فيلم "في‏ الصيف لازم نحب " وبعده فيلم "إحترسي من الرجال يا ماما " وبعده فيلم " شاطئ العمر ""ابنتي والذئب .

 

 وعن آخر ظهور للفنانة الجميلة أميرة كان في فرح بنت الفنانة ميرفت أمين وظهرت فيه بالحجاب وحضرت الفرح بسبب الصداقة اللي بتربطها بميرفت أمين .

 

قدمت حوالي 35 عمل تليفزيوني

من أهم الأعمال اللي شاركت فيها في البدايات هو فيلم "نحن لا نزرع الشوك " وكان مع الفنانة الكبيرة شادية والفنان محمود ياسين وكمان فيلم "زوجة غيورة جدا " من بطولة الجميلة سعاد حسني وفيلم " زوجتي والسكرتيرة " مع الفنان العظيم أحمد رمزي وزبيدة ثروت ومجموعة تانية من الأعمال المميزة .