قصة حياة وأسرار مهندس الكوميديا يوسف داوود ووسامته وهو شاب تبهر الجمهور
لقبوه بمهندس الضحك وأول حاجة بنعملها لما بنشوف صورته على الشاشة هى أننا بنضحك من قلبنا وعلى طول بنفتكر نبرة صوته وضحكته المميزة اللي محدش بيعرف يقلده وأدائه المختلف عن أي حد هو الفنان الراحل " يوسف داوود .
صور ليه في شبابه ومحدش هيصدق إن الصور دي ليه وهنعرف كمان التفاصيل الكاملة عن علاقته بالزعيم عادل إمام وكمان سبب وفاته وسبب إلقاءه لخطبه الجمعه بالرغم من إنه مسيحي .
تصدر إسم الفنان يوسف داوود ترند على مواقع التواصل الاجتماعي بسبب تداول جمهوره صور ليه في شبابه ومحدش كان مصدق إن ده يوسف داوود لإنه كان وسيم جدًا وقالوا إن الحاجة الوحيدة اللي مختلفتش فيه هو طوله وكانت من ضمن الصور دي صوره وهو بيرسم لإن الرسم كان من هوايته المفضلة وكمان من هواياته كانت الصيد .
اسمه الحقيقي يوسف جرجس صليب .
وإتخرج من كلية الهندسة قسم الكهرباء سنة 1960 بعد تخرجه إشتغل مهندس لكن بعد كده إتفرغ للفن.
كان أكتر أعماله مع الزعيم عادل إمام مثل معاه في فيلم " الإرهاب والكباب ومرجان أحمد مرجان وبوبوس وكمان مسرحية الواد سيد الشغال " وغيرهم أعمال تانية كتير مميزة .
وقالت " دينا" بنت الفنان داوود إن علاقة والدها والزعيم مكانتش بس علاقة شغل كانوا أصحاب جدًا فكانوا بيتقبلوا في الإسكندرية الصبح يلعبوا طاولة وبالليل كانوا يروحوا المسرح ، وقالت كمان على نبرة صوته العالية اللي إتشهر بيها في أدواره "صوته في المنزل كان عالى جدا هو بصراحة “طرشنا “كلنا، وماعرفناش نعالجه، هو مش بيزعق بس هو صوته كده”.
وقالت كمان إنه كان ليه طريقة شيقة في الإلقاء ولما كان في فترة تجنيده زمايله مكانوش عارفين إنه مسيحي فطلبوا منه يوم الجمعة إنه يقولهم خطبه وهو كان بيحب يقرأ في الإسلام وعنده معلومات كتير فطلع المنبر وقالهم الخطبه ولما شافه القائد عاقبه ووبخبه .
وقالت كمان دينا عن تعبه إنه حصله فشل كلوي سنة 2004 وكان بيغسل كلى 3 مرات في الأسبوع وبالرغم من تعبه كان بيضغط على نفسه وبيروح يصور لوقت رحيله يوم 24 يونيو سنة 2012 بعد 8 سنين عشاهم مع المرض وتوفي عن عمر يناهز 74 عامًا.
نجح وإتميز ف كتير من الأدوار الكوميدية وقدم في السينما والدراما التليفزيونية والمسرح أعمال وصلت أكتر من 100 عمل . وكان أول عمل ليه مسرحية "زقاق المدق " .
ومن أهم المسرحيات اللي شارك فيها " الزعيم والولد سيد الشغال و بودي جارد " .
وعن أعماله التليفزيونيه أبدع فيها وترك بصمته من خلال “أنا وأنت وبابا في المشمش، حكايات زوج معاصر، يوميات ونيس، تامر وشوقية و”السوق” و”الدش والمش” ورياح الشرق وحكايات زوج معاصر وجحا المصري .
أما عن أبرز أفلامه " فيلم حسن ومرقس، ليلة سقوط بغداد، وعسل أسود " وغيرهم أفلام تانية كتير مميزة
إرسال تعليق