بعد غياب كيف أصبح شكل محسن محيى الدين بطل مسرحية سك على بناتك ومن هى زوجته الفنانة المشهورة
الفنان محسن محيي الدين كان محظوظ من بداية حياته الفنية لإنه إشتغل مع كبار النجوم والمخرجين زي المخرج الكبير يوسف شاهين والفنانة فاتن حمامة والمليجي ويسرا وفريد شوقي وغيرهم من الفنانين الكبار ، وقدر يثبت نفسه في فترة صغيرة جدًا لكن مااستمرش كتير فقرر انه يعتزل ويبعد عن الساحة الفنية فترة كبيرة وبعدين رجع مرة تانية.
إتولد يوم 1 نوفمبر
وإتخرج من المعهد العالي للسينما .
وكلنا حبناه لما عمل مسرحية "سك على بناتك " قدام الكبير فؤاد المهندس وضحكنا بخفه ظله وخصوصًا لما كان بينط من الشباك علشان يهرب من فؤاد المهندس .
وبرع كمان في مسرحية" علي بيه مظهر " قدام الفنان الكبير محمد صبحي . قال في لقاء تلفزيوني عن سبب إعتزاله إن جيله إتعرض لظلم كبير في الفترة دي بسبب اندلاع حرب الخليج وده أثر على صناعة السينما لإن مكانش في أعمال سينمائية في الوقت ده ، وقال كمان إنه كان محتاج يقرب من ربنا ويعيد التفكير في حياته فقرر إعتزال التمثيل وإشتغل مخرج في الرسوم المتحركة .
بعد إعتزال دام 24 سنة رجع تاني للساحة الفنية سنة 2001 من خلال مشاركته في مسلسل سوري "نجوم بين الغيوم " وفي 2014 شارك في مسلسل "فرق توقيت " مع الفنان تامر حسني.
وعن حياته الخاصة حكى الفنان محيى الدين عن قصة تعارفه على زوجته الفنانة المعتزلة "نسرين" قال إنها كانت متزوجه قبله من الموسيقار الراحل محمد ضياء الدين، وأنجبت منه بنتها الوحيدة "رنا " كانت وقتها عندها الـ16 سنة وبعد سنتين توفى الموسيقار ضياء، وبعد وفاة زوجها عرف إنها تزوجت وزعل جدًا لإنها كانت حب عمره من صغرة وقال يعني مكانتش عارفة تستناني وبعد كده قابلها كذا مرة لحد لما شافها في باريس وهو كان بيشتغل هناك وهى كانت بتاخد أوراق بتخص زوجها الراحل، وساعدها لحد أما خلصت وبعت معاها دواء لوالده ومن وقتها بقت بتزور والده كتير لحد لما توفي والده فاجأه ولما نزل من باريس والدته قالتله وصية أبوك إنك تتجوز نسرين فاتحتها فى الموضوع، وتزوجوا .
وعن قصة إعتزال زوجته قال إنها إعتزلت بإرادتها ومكانش ليا أي يد في القرار ده ومش بتفكر ترجع تاني للتمثيل .
إرسال تعليق